Natur og kultur (turprogram lenger nede)

Målet med denne turgruppa er å gje deltakarane auka kunnskap og kjennskap til lokalmiljø og levevis i ulike bygde- og øysamfunn i nært omland. To-tre gongar pr. semester set gruppa kurs mot eit område vi vil bli nærare kjende med, gjennom tett samarbeid med lokale krefter.

Lokale krefter er vertskap og inviterer til ein dag på sin heimstad, der vi er deira gjestar. Eit grunnleggjande prinsipp for dette turopplegget, er at både vertar og gjestar føler dei har gjensidig glede og nytte av det.

ÅSU ynskjer difor å invitere på gjenvisitt. Turdeltakarane må rekne med å bidra med dette. Likeins å skrive referat og ta bilde frå turane til medlemsbladet vårt. Vi reiser kollektivt og bruker privatbil.

Max 25 deltakarar pr. tur.

  •          Presentasjon av turen vert lagt ut på heimesida til ÅSU Natur og kultur https://www.aasu.no/naturogkultur/
  •          Påmelding vert sendt ut i epost som eige svarskjema 14 dagar før sjølve turen, med ei vekes frist
  •          Trekking av deltakarar og evt. venteliste dagen etter at fristen har gått ut
  •          Kunngjering av deltakarar og venteliste dagen etter at fristen har gått ut: epost og kort SMS til alle som har meldt seg
  •          Betaling m/Vipps til 93020, seinast dagen etter kunngjering for dei som tek imot tilbodet 
  •          Berre halvparten av beløpet blir tilbakebetalt ved avmelding, seinast dagen før
  •          Deltakarar på venteliste vert fortløpande orientert ved forfall

Turgruppa er no godt i gang med å utforske

Giske Kommune  1.april og 3 juni.

Etter to svært vellukka turar til Godøya og Alnes hausten 2024, skal vi vidare til Saga-øya Giske

To turar er planlagt i vår, 1.april og 3 juni 2025

Øya Giske har vel 800 innbyggarar, og fekk fastlandsforbindelse i 1987då  brua til Valderøya sto ferdig. Høgste punktet på øya er Arnebakken 26moh.                   

Her hadde den mektige Giske-ætta sete i mellomalderen. Dette var ei av dei norske stormannsætten og stamfaren var Torberg Arnesson Giske.

Ved frivillig arbeid/dugnad har folket på Giske skapt og utvikla GISKESPELET. Eit historisk spel som handlar om striden om kongemakt og kristentru i tidsepoken rundt 1030. Med dette har mektige menn og kvinner vore med og endra noregshistoria.

Giske kyrkje ligg på sørsida av øya og er den einaste marmorkyrkja i Noreg som framleis er i bruk. Den vart bygd på midten av 1100-talet, som privat kapell for den mektige adels-familia ARNUNGANE.                                      

Tysdag 1. april inviterer Idrettslaget m/fleire til ein runde på nordsida av øya. Turen startar på Klubbhuset Nestun via Kulturhuset Gamleskulen, som ligg midt på øya, og vidare til Kvalneset og Øygardshamna. Er vi heldig får vi og ei omvising i «Kulturfabrikken» til Momentium, som held til i lokala til gamle Mørekjøkken. Vi avslutta turen på klubbhuset til Giske IL Nestun,- der vi får servert eit felles måltid. Før vi takkar for oss vil idrettslaget vise oss den siste satsinga til Giske IL,- VANNSPORTSENTERET på Gjærde-sanden.

Tysdag 3. juni   Inviterer Stiftinga Giskespelet v/Arne Tunheim oss på Pilegrimsvandring på øya. Turen går frå brua langs fjøra over Mjelthaugen som er ei av dei mest spesielle gravminna i Noreg, og vidare til Giske kyrkje. Her får vi ei guida omvising, før vi drar vidare til spelplassen for Giskespelet, der vi får eit felles måltid i Gildehallen.

Sølvi Furnes

TUR TIL GISKE TYSDAG 1. APRIL

Oppmøte på Klubbhuset til Giske IL NESTUN på Staurneset. Ta til høgre etter rundkøyringa i enden på brua.
Her står Sølvi og Gunnhild og tar imot dåkke.

 Kr. 400,- pr person (betaling etter plasstildeling; sjå ovanfor)

TUR TIL ALNES TYSDAG 1. OKTOBER

Oppmøte kl. 9.45  på parkeringsplassen på høgre side når du kjem ut frå ALNESTUNELLEN
Her står Sølvi og tar imot dåkke.
Kr. 500,- pr person (betaling etter plasstildeling; sjå ovanfor)
VI OPPFORDRER TIL SAMKØYRING
KLÆ DÅKKE FØR VIND OG VÆTE  !!!!!!!!!!!!!!!!!!!!!!!!!!


Tur til Godøya tysdag 3. september

Oppmøte på parkeringsplassen i enden av Giskebrua (Gjærdesanden) kl.0930
Her vi Sølvi registrere alle deltakarane, og vi samkøyrer gjennom tunellen til Valkve.  
Her står Arne Tunheim og ynskjer dåkke velkomen til GODØYA.
Kr. 400,- pr. person (sjå om betaling ovanfor)


Sandøy kvinne- og familielag inviterer medlemmar av Ålesund senioruniversitet til ein dag på SANDØYA 19.sept. 2023

  • Ingrid Sandøy møter oss på fergekaia, og tar oss med på ei vandring rundt omkring på øya.
  • Der vi bla. skal innom Sandøy kyrkje.
  • Deretter blir det mat og prat på forsamlingshuset KRINGSJÅ

NB: Det kan vere lurt og ta med litt niste, då serveringa er litt utpå dagen

«Klæ dåkke for vind og væte». Vi veit aldri kva vêrgudane finn på,- her uti havgapet.

Påmelding og uttrekking av deltakarar og venteliste dersom fleire enn 25 melder seg.

Pris: 300.- betaling med VIPPS til 93020 etter kunngjering, sjå heilt nedst, under reiseruta.

Sølvi Furnes er turleiar - Sveinung Giske vil guide på bussturen over Nordøyvegen

Sjølve reisa:

  • Kl. 8.25 Buss (230) frå MOA spor 4 til Brattvågen via Vatne
  • Kl. 9.15 Bytte buss (232) ved Brattvåg kyrkje, ca. 3 min ventetid.

    Denne bussen køyre vidare til Skjelten v/brua

  • Kl. 9.30 går bussen frå Skjelten og direkte til ferjekaia på Finnøya.

    Betal på bussen heilt fram til Finnøya.

  • kl. 10.40 ferje frå Finnøya – til Sandøya.

    Det er gratis på ferja.

  • Kl. 10.55 er vi framme på Sandøya, der Ingrid Sandøy tar imot oss.

    Turen tilbake:

  • kl. 15.45 ferje frå Sandøya
  • kl. 16.15 buss (232) frå Finnøya til Skjelten
  • kl. 17.12 frå Skjelten
  • kl. 17.25 til Brattvåg kyrkje
    Her skal vi bytte buss - Vi har eit opplegg ved Brattvåg kyrkje i ventetida
  • kl. 18.25 buss frå Brattvåg kyrkje til Moa
  • kl. 19.11 Moa rutebilstasjon